თბილისი

                                         

მოკლე ინფორმაცია თბილისიში ტურიზმის შესახებ

 

ტურიზმი თბილისი თანდათან ვითარდება, მან ჯერ კიდევ არ მიაღწია განვითარების უმაღლეს დონეს, მაგრამ საკაოდ დიდი რაოდენობის ტურიზმი შემოდის და ქვეყნის ეკონომიკისთვის დიდი შემოსავლის წყაროა.

 

ტურიზტის თვის მნივნელოვანია ინფრასტურუქტურის მოწყობა. ჩვენ აქ მოვიყვანთ ინფორმაციას რომელიც დაეხმარება ტურისტს გარკვეული წარმოდგენა შეექმნეს ჩვენს ქალაქზე და მოკლე დროში მოასწროს მნიშვნელოვანი ღირსშესანიშავი ადგილების ნახვა.

აეროპორტი დედაქალაქიდან 20 კმ-ს დაშორებით მდებარეობს. მგზავრთა გადაყვანას ემსახურება როგორც ქართული ავიაკომპანიები, ასევე უცხოურიც. აეროპორტიდან ქალაქში მოხვედრაა არანაირ სირთულესთან არაა დაკავშირებული, არსებობს რამოდენიმე გზა:აეროპორტით სარგებლობის შემთხვევაში თქვენ დაფრენის შემდეგ ისარგებლებთ ავტობუსით (37 ნომერი), რომელიც სულ რაღაც 50 თეთრი ღირს და დილის 8 საათიდან საღამოს 8 საათამდე მუშაობს. ეს ტრანსპორტი რა თქმა უნდა დანიშნულების ადგილამდე ვერ მიგიყვანთ, მაგრამ მისი დახმარებით ქალაქის ერთ-ერთ ცენტრალურ უბანში აღმოჩნდებით, შემდეგ ჩვეულებრივი საზოგადოებრივი ტრანსპორტით შეგიძლიათ ისარგებლოთ.

აეროპორთთან ახლოს მდებარეობს რკინიგზის სადგური, საიდანაც ყოველ 40 წუთში გადის კომფორტული მატარებელი, თბილისის ცენტრალურ რკინიგზის სადგურზე სულ რაღაც 20 წუთში მოხვდებით. უფრო კომფორტული და სწრაფია ტაქსი. ის თქვენ სასურველ ადგილამდე მიგიყვანთ. ედარებით ძვირია ტაქსის ტარიფი, იმისდამიხედვით თუ სად მიდიხართ, ქალაქის ცენტრში თუ ქალაქის ბოლოში.საერთოდ არ არის აუცილებელი ტურისტმა ქვეყნის ოფიციალური ენა იცოდეს.
თუ ინგლისურად და რუსულად ლაპარაკობთ, აუცილებლად მიახვედრებთ თბილისელს თქვენს სათქმელს. რამოდენიმე ქართულის სიტყვაც თუ გეცოდინებათ, ხომ უფრო უკეთესი. სასურველია შეიძინოთ პატარა ლექსიკონი, ის საკმაოდ დიდ დახმარებას გაგიწევთ კომუნიკაციის დროს.
ვალუტა ქართული ლარია, მაგრამ აეროპორტშიც და საერთოდ ძალიან ბევრგანაა გახსნილი ვალუტის გადამცვლელი პუნქტები და ბანკის ფილიალები. მათ ადვილად იცნობთ გამოფენილი აბრებით, რომელიც ვალუტის კურს გვიჩვენებს.
ჩვენი დედაქალაქი სასტუმროების ნაკლებობას ნამდვილად არ განიცდის. დასვენებისათვის აეროპორტის მსგავსად რამოდენიმე ვარიანტი გაქვთ. 1. ჩამოსვლამდე იზრუნოთ სასტუმროს შერჩევასა და დაჯავშნაზე. ან 2. რომ ჩამოხვალთ შემდეგ შეარჩიოთ სასტუმრო.დაბინავების შემდეგ შეგიძლიათ სასტუმროს რესტორანში ჩაისეირნოთ, ან ნომერში შეუკვეთოთ სადილი ან ვახშამი. მაგრამ თქვენ თუ სასტუმროს გარეთ გსურთ გასეირნება, მაშინ, უამრავი ადგილია მაისთვის . თბილისის რესტორნები ნებისმიერი გემოვნების გურმანს დააკმაყოფილებს. თბილისში მრავლადაა რა თქმა უნდა ქართული და არა მარტო, აგრეთვე რუსული, ავსტრიული, იტალიური (ქართველები იტალიელებს განსაკუთრებით კარგად ვუგებთ) ზოგადად ევროპული და აზიური სამზარეულოს მქონე რესტორნები. ბუნებრივია რახან საქართველოში ჩამოსვლა გადაწყვიტეთ, უგემრიელესი ქართული კერძების გასინჯვაც მოგინდებათ.
თბილისი უძველესი ქალაქია და აქ მრავლადაა ულამაზესი ისტორიული ძეგლები, შეგიძლიათ გაისეირნოთ ქალაქში და დაათვალიეროთ ღირშესანიშნავი ადგილები. შეგიძლიათ გიდის მომსახურებით ისარგებლოთ, რომელიც უკეთეს მეგზურობას გაგიწევთ და უფრო მეტ ინფორმაციას მოგაწვდით საქართველოში არსებული ღისშესანიშანობების შესახებ.

ქალაქში სამოგზაუროდ შეგიძლიათ ტაქსი გამოიძახოთ, სამარშუტო ტაქს დაელოდოთ, რომელსაც ნამდვილად ვერ იხილავთ ცენტრალურ უბნებში, ავტობუსით გადაადგილდეთ, ან მიწისქვეშა ტრანსპორტს, მეტროს, მიმართოთ, რომელიც ყველაზე სწრაფი გადაადგილების საშუალებაა თბილისში.
თბილისში აქტიურია ღამის ცხოვრება, ფართო არჩევანია დასვნების: ლუდის ბარში წახვიდეთ, მიირთვათ როგორც ქართული ასევე უცხოური ლუდი და მოუსმინოთ ცოცხალ მუსიკას. ძირითადად თბილისში 3 ქუჩაა სადაც ყოველი ფეხის ნაბიჯზე შეხვდებით ბარებს. ესენია ახვლედიანის ქ. (პეროვსკაია), ქიაჩელის ქ. და შარდენი (თბილისის ძველ ისტორიულ უბანში). ისე მთელ თბილისშია მიმოფანტული ლუდის ბარები. ცოცხალი მუსიკა ყველგან საღამოს 9-დან ღამის 12 საათამდეა. კლუბები, თქვენ აუცილებლად შეარჩევთ თქვენთვის სასურველ კლუბს.
უსაფრთხოების მხრივ ნამდვილად ნუ შეშინდებათ თბილისის საპატრულო პოლიცია 24 საათის განმავლობაში მოძრაობს ქალაქში. თქვენ ნამდვილად უსაფრთხოდ იგრძნობთ თავს. თუმცა საზოგადოებრივ თავშეყრის ადგილებში საფულისა და მობილურის უყურადღებოთ დატოვებას მაინც არ გირჩევთ.
თბილისი საკმაოდ დიდი ქალაქია, რომელიც ქვაბულში დიდ და მცირე კავკასიონის მთებს შორის მდებარეობს.
წითელი კრამიტით გადახურული სახურავები, ვიწრო ქუჩები, და თბილისის უძველესი შენობები კონტრასტულად ერწყმის ინდუსტრიალიზაციის იმ ელემენტებს რაც საბჭოთა კავშირმა მოიტანა.

თბილისის ძირითადი ღირსშესანიშნავი ადგილებია:
- საქართველოს სახელმწიფო მუზეუმი
- საქართველოს სახელმწიფო ხელოვნების მუზეუმი
- ძველი თბილისი-ვიწრო ქუჩებით, რაც ასე იზიდავს ტურისტებს
- მთაწმინდა მამა დავითის ეკლესია
- ნარიყალას ციხე-სიმაგრე
- სიონისა და მეტეხის ეკლესიები.

                  საქართველოში ტურიზმის განვითარების
                          ისტორიული მოვლენები

საქართველოში ტურიზმის განვითარება 19-20 საუკუნეების მიჯნაზე იწყება. ფაქტიურად იგი მასშტაბურ ხასიათს 20 საუკუნის მეორე ნახევრიდან, განსაკუთრებით კი მეორე მსოფლიო ომის შემდგომი წლებიდან იღებს. ამ პერიოდში ექსპლუატაციაში შევიდა კეთილმოწყობილი ტურისტული ბაზები და სასტუმროები თბილისში, სოხუმში, ბათუმში, ქუთაისში, ვარძიაში და სხვა. დაიწყო ტურიზმის აღმშენებლობის პროცესი გაგრაში, ქობულეთში, აბასთუმანში, წყალტუბოში და სხვა.

გასული საუკუნის 80-იან წლებში საქართელოს აღერიცხებოდა 624 სასტუმრო, ტურისტული ბაზა, მოტელი, კემპინგი და სხვა მსგავსი დაწესბულება, რაც ჯამში 1522 ათასს ადგილს შეადგენდა. შედარებით სუსტი იყო სამოქალაქო სასტუმროების ქსელის განვითარება. ეს მონაცემები თავისთავად მეტყველებდნენ საქართველოს დიდ ტურისტულ პოტენციალზე, მაგრამ მათ მიღმა უნდა დავინახოთ ის, რომ ტურიზმი, რომელიც არსებობდა გასული საუკუნის 80 წლებში, თავისი ფორმით და შინაარსით წარსულს ჩაბარდა. მასთანავე დაგვიტოვა ბევრი არასწორი შეხედულება და სტერეოტიპი.

ამჟამად საქართველოში ტურიზმი თვისობრივად ახალ სისტემაზე გადადის და ამ გარდამავალ ეტაპზე მრავალი წინააღმდეგობის გადალახვა უხდება. საქართველოს გააჩნია უდიდესი ტურისტული და საკურორტო პოტენციალი. საქართველო ამჟამად აღიქმება როგორც ახალი, ჯერ კიდევ უცნობი ქვეყანა და ამდენად საინტერესოა მისი აღმოჩენა ყოველი მოგზაურისთვის თუ ტურისტისთვის. ქვეყნის მონახულების სურვილს კიდევ უფრო აძლიერებს 1999 წელს ჩატარებული არქეოლოგიური აღმოჩენა, როდესაც თბილისის მახლობლად, დმანისში აღმოაჩინეს პალეოლითური ხანის უძველესი ადამიანის ჩონჩხის ფრაგმენტი, რომელიც თარიღდება 1 მილიონ 700 ათასი წლით. ამ აღმოჩენით საქართველო გახდა პირველი ევროპელის სამშობლო.

ქვეყანაში 12 000 ისტორიული ძეგლი, 150 მუზეუმი და მრავალი საგანძურია, რომელიც დღითიდღე, თანდათანობით იზრდება. საქართველო ოდითგანვე ცნობილია თავისი ბუნებრივი სამკურნალო ფაქტორებით, ამჟამად კი 102 კურორტი და 182 საკურორტო ადგილია, კურორტების ძირითადი ნაწილი ზღვის პირას და მთიან რეგიონებშია. საქართველოს წრმომადგენლობა გადის ქვეყნის გარეთ, საიდანაც უფრო მეტი ინფორმაციის გავრცელება ხდება საქართველოზე. რის შედეგადაც საქართველოში იმატებს ტურისტების რაოდენობა. მაგალითად.: 1998 წელს საქართველოს წარმომადგენლობის გახსნა მოხდა ისრაელში, ტელ-ავივში. ამავე წელს თბილისსში ჩატარდა ”დიდი აბრეშუმის გზის” ტურიზმის მსოფლიო ფორუმი, 2003 წელს კი თბილისში მოხდა მეოთხე საერთაშორისო ტურისტული ბაზრობის გახსნა.

როგორც ზემოთ მოყვანილი მაგალითებიდან ჩანს, ტურიზმის განვითარების ხელშეწყობა სისტემური ხასიათისაა არსებითად დამოკიდებულია, როგორც ეკონომიკურ ასევე პოლიტიკური ფაქტორების გამოყენების ფორმაზე, ქვეყნის ეკონომიკის განვითარების თვისებურებებზე.